Hurmatli tumanimiz aholisi!
Tumanda xavfsiz muhitni yaratish, kriminogen vaziyatni yaxshilash, huquqbuzarlik va jinoyatlarni sodir etilishini oldini olish borasida tuman huquqni muhofaza qiluvchi idoralari bilan hamkorlikda bir qator ishlar amalga oshirilmoqda.
Joriy yilning 6 oyi davomida Parkent tumani hududida jami 32 ta (2024 yil shu davrida 22 ta) yo‘l transport hodisalari sodir etilgan bo‘lib, shundan 6 tasi vafot etish bilan hamda 1 tasi odamlar o‘limi bilan bog‘liq yo‘l-transport hodisalarini tashkil qiladi.
Ushbu yo‘l transport hodisalari soni o‘tgan yilning mos davriga nisbatan 10 taga, ya’ni 45,5 foizga oshgan. Ulardan odam o‘limi bilan bog‘liq 6 ta holat qayd etilib, 2024 yilning shu davriga nisbatan 1 taga, ya’ni 20 foizga oshib ketgan.
Tan jarohati olganlar soni 26 nafar, o‘tgan yilning mos davriga nisbatan 9 taga yoki 52,9 foizga ko‘paygan.
Yo‘l-transport hodisalarini kelib chiqish sabablari tahlil qilinganda, mast holatda avtomashinani boshqarish bilan bog‘liq 2 ta, avtomashinani haydovchilik guvohnomasisiz boshqarish 6 ta, tezlikni oshirish 7 ta, quvib o‘tish qoidalarini buzish 2 ta, qarama-qarshi yo‘nalishda harakatlanish 1 ta, boshqa holatlar 14 tani tashkil etgan.
Joriy yilning 6 oyi davomida Parkent tumani hududida sodir etilgan yo‘l transport hodisalari mahallalari kesimida tahlil qilinganda, Chinorli hududida 1 ta, Bo‘ston 3 ta, Hurriyat 1 ta, Navbahor 1 ta, Kichikqo‘rg‘on 1 ta, Qo‘rg‘ontepa 1 ta, Buloqboshi 1 ta, Istiqbol 3 ta, Surxi 5 ta, Qo‘rg‘on 1 ta, Objuvoz 3 ta, Qayilma 3 ta, Davlatobod 1 ta, Quruqsoy 1 ta, Obod 1 ta, Yangiobod 1 ta, Bog‘bon 1 ta, Nurobod 1 ta, Qo‘lichi 1 ta, Gulbog‘ 1 tani tashkil etdi.
Tahlil qilinayotgan davrda yo‘l transport hodisalarining 15 tasi Parkent tumanida yashovchi haydovchilar tomonidan hamda 17 tasi boshqa hududda yashovchi haydovchilar tomonidan sodir etilgan.
Bundan tashqari, joriy yilning o‘tgan 6 oyida tuman IIB YXHB xodimlari tomonidan jami 7 ming 53 ta qoidabuzarlik aniqlangan. Ulardan 1 ming 892 tasi qo‘pol qoidabuzarlik, jumladan, 57 ta transport vositasini mast holda boshqarish, 11 ta IIB xodimining qonuniy talabini bajarmaslik, 1 ming 36 ta chorrahada harakatlanish qoidasini buzish va svetoforning taqiqlovchi qizil chirog‘ida harakatlanish, 5 ta quvib o‘tish, 82 ta odam tashish, 11 ta uyali qo‘l telefonidan foydalanish, 186 ta piyodalar o‘tish joyidan yurish, 2 ming 406 ta xavfsizlik kamari, 520 ta piyodalar qoidabuzarligi va 577 ta boshqa qoidabuzarlik aniqlangan.
Qadrli fuqarolar!
Mazkur raqamlardan tumanimizda yo‘l harakati bilan bog‘liq vaziyat tashvishli ekanligini tushunish qiyin emas.
Shu bois, tuman prokurori sifatida haydovchilarimiz hamda fuqarolarimizdan quyidagilarga amal qilishlarini so‘rayman.
– “Yo‘l harakati xavfsizligi qoidalari”ga to‘liq rioya etish;
– svetofor, yo‘l belgilari va yo‘l chiziqlariga rioya etish;
– tezlikni nazorat qilish, belgilangan tezlikdan oshmaslik, ayniqsa aholi punktlarida va yo‘l burchaklarida;
– haydashda diqqatli bo‘lish, telefonda gaplashmaslik, xavotir va charchoq holatida haydamaslik;
– harakatlanganda oldindagi transportga nisbatan masofani saqlab harakatlanish;
– har doim ob-havo sharoitiga mos harakat qilish (yomg‘ir, qor, tuman va h.k.);
– transport vositasini muntazam texnik ko‘rikdan o‘tkazish (tormoz, chiroqlari, shinalari va h.k.);
– haydovchilik madaniyatiga rioya etish;
– piyodalar faqat belgilangan joylardan o‘tishi;
– piyodalar yo‘lni kesib o‘tayotganda ikki tomonga qarashi;
– quloqdagi quloqchin va telefonni olib, keyin piyodalar yo‘lagidan o‘tish talab etiladi!
Zero, hayot va sog‘liq har kimning o‘ziga berilgan buyuk ne’matligini, bu uchun avvalo o‘zingiz mas’ul ekanligingizni unutmang!
